Bygningsvern blir ei viktig tilnærming innafor byggjenæringa framover. Det blir meir rehabilitering, restaurering og transformasjon av eksisterande bygningar og mindre nybygg. Dermed blir kunnskap om verdiar i eksisterande byggverk av stor betyding.
Sentralt i dette kurset er grunnleggjande kulturminneforståing for å lære korleis ein kan lese verdiane i eit bygg og ivareta dei på best mulig måte.
Viktige tema er verneteori, bygningsvernets historie, byggjeskikk, arkitektur- og stilhistorie, kulturminnerett, det å lese ein bygning, bygningsvern i praksis, herunder aktuelle utfordringar i bygningsvernet. Også metodar for innhenting av informasjon om bygningar frå arkiv og samlingar vil bli berørt.