![#](/media/2912/platermonteres-max.jpg?width=1600&height=700&v=1d22df8a5d05940)
Håkonshall får nytt kopartak
Bli med opp på taket og sjå arbeidet på nært hald!
Kopartaket på Håkonshallen var punktert, og Statsbygg er no i gang med rehabiliteringsarbeida som skal sikre eit umisteleg kulturminne for framtidige generasjonar.
Kopartaket på Håkonshallen i Bergen blei sist skadd under orkanen Dagmar i desember 2011.
Taket blei mellombels utbetra, men no er Statsbygg i gang med ei omfattande restaurering. Forutan å få eit heilt nytt kopardekke skal taket isolerast og sikrast mot lynnedslag.
![H-HallenTakStillas-max.JPG](/media/2906/h-hallentakstillas-max.jpg?width=768&v=1d45597ee677fd0)
Går det etter planen skal stilasane ned i oktober 2013. Foto: Elias Dahlen/ Statsbygg
Arbeida er i gang på Håkonshallen, krana er på plass, og stillaset er ferdig montert. Taket er planlagt ferdig oktober 2013. Forventa sluttkostnad er 16 millionar kroner.
![H-HallenTakArbeidere-max.JPG](/media/2905/h-hallentakarbeidere-max.jpg?rxy=0.031666666666666669,0.56140350877192979&width=768&v=1d455980d90cb50)
Juli 2013. Arbeidene er i gång på taket. Foto: Elias Dahlen/ Statsbygg
![mannMotTak-max.jpg](/media/2909/mannmottak-max.jpg?width=768&v=1d4559835f007a0)
Siste lag med fuktsperre leggjast oppå det nye sutaket før bandtekkinga kjem på plass. Foto: Elias Dahlen/ Statsbygg
Statsbygg er byggherre, mens Origo arkitektgruppe AS og Norconsult AS er i prosjekteringsgruppa. Entreprenøren er J H Nævdal Bygg AS – det same bergensfirmaet som gjennomførte restaureringa av Håkonshallen på 1950-talet.
![diffusjonssperre-max.jpg](/media/2902/diffusjonssperre-max.jpg?width=768&v=1d45598631382c0)
Her legg ein diffusjonsåpen vindsperre over ny isolasjon. Foto: Elias Dahlen/ Statsbygg
– Dagmar gav ikkje berre Håkonshallen ei skrape i lakken, men òg ei real flengje i skroget. Det skal bli fint å utbetre takskadane fullt ut. Håkonshallen er ein ærverdig bygning, og med nytt tak løyser vi både eit praktisk problem og viser bygningen den respekten han fortener, seier regionsdirektør Torbjørn Nævdal i Statsbygg.
![H-HallenStillaser-max.JPG](/media/2903/h-hallenstillaser-max.jpg?rxy=0.043333333333333335,0.78796561604584525&width=768&v=1d4559886bbc6b0)
Det er høgt å sjå ned. Ikkje for pysar. Foto: Elias Dahlen/ Statsbygg
Takarbeida skal gjennomførast med full verksemd inne i Håkonshallen og med ei rekkje arrangement på Bergenhus.
Håkonshallen er ein kongehall, eit nasjonalt museum og eit minnesmerke. Bygningen er ein freda mellomalderhall og er den finaste festhallen i Bergen.
![stillas-max.jpg](/media/2915/stillas-max.jpg?width=768&v=1d45598aa08a430)
Stillaset er ein sjølvberande konstruksjon og er ikkje festa til Håkonshallen nokon stad. Foto: Elias Dahlen/ Statsbygg
Statsbygg har ansvaret for vedlikehaldet av sjølve bygningen. Bymuseet i Bergen har ansvaret for inventar og formidling og arrangement som konsertar og representasjon i samråd med Fylkesmannen.
![plattform-max.jpg](/media/2913/plattform-max.jpg?width=768&height=640&v=1d45598cc6cf670)
Plattforma på stillaset er stor nok til både maskinar og materiell. Foto: Elias Dahlen/ Statsbygg
![takIsol-max.jpg](/media/2916/takisol-max.jpg?width=768&v=1d45598ea9350e0)
Det er ikkje lenge til østsida av taket er ferdig tekt. Det har nesten ikkje vore stopp i arbeidet i det fine vêret - med unnatak av nokre torebyer i sommar. Foto: Elias Dahlen/ Statsbygg
![toPaTaket-max.jpg](/media/2918/topataket-max.jpg?width=768&v=1d455990c061730)
Diffusjonsåpen vindsperre blir lagt oppå kryssfinerplatene før det nye sutaket monterast. Foto: Elias Dahlen/ Statsbygg
![sikring-max.jpg](/media/2914/sikring-max.jpg?width=768&v=1d455992c03f0c0)
Tryggleiken er viktig! Blant anna er alle som skal arbeide på sjølve taket sikra med sele og fall-line. Foto: Elias Dahlen/ Statsbygg
![platerHeises-max.jpg](/media/2911/platerheises-max.jpg?rxy=0.11833333333333333,0.36736958934517205&width=768&v=1d455994cd769d0)
Platene blir monterte saman i heile band før dei blir heiste på plass og festa. Foto: Elias Dahlen/ Statsbygg
![mannPlate-max.jpg](/media/2910/mannplate-max.jpg?width=768&v=1d455996cf77160)
Montering av koparplater. Platene er så blanke at ein kan spegla seg i dei. Foto: Elias Dahlen/ Statsbygg
![kobberplater-max.jpg](/media/2908/kobberplater-max.jpg?width=768&v=1d4559981ab4730)
Koparen er heilt blank når den blir lagt, men byrjar å irre med ein gong. Etter nokre dagar får den ein mørk brun patina som blir grøn etter ein del år. Foto: Elias Dahlen/ Statsbygg
![takPerspektiv-max.jpg](/media/2917/takperspektiv-max.jpg?width=768&v=1d455999b18ad70)
Taket mot vest; hovuddelen var ferdig i juli. Muraren må fuge ferdig beslag mellom stein og kopar før tekkinga kan gjerast ferdig. Foto: Elias Dahlen/ Statsbygg
Kontaktpersonar i Statsbygg:
Torbjørn Nævdal, regiondirektør – 951 19 221
Pål Weiby, kommunikasjonsrådgivar – 922 333 95